Fanari

Për të hequr errësirën
për të treguar rrugën e drejtë
e për t’u dhën dritë të gjithëve
në zemër e në mendje

e ndezëm fanarin

që rrezet e dritës
plotësisht të lira
të kthjellojnë fjalën

mbi çdo të vërtetë

që e vërteta e vërtetë
nga gënjeshtrat të mos lëndohet
As nga mjegulla e harresës
të mos mbulohet

fanar në errësirë
– fjala e lirë

edhe kujtimin
e bën të kujtohet më mirë